Յոգան պարզապես ֆիթնես չէ, այլ ֆիզիկական վարժությունների, շնչառական տեխնիկայի և կենտրոնացման պրակտիկաների մի շարք: Սա մի ամբողջ փիլիսոփայություն է, հնագույն ուսմունք, իսկ շատերի համար՝ ապրելակերպ։ Յոգան մարդուն զարգացնում է համակողմանիորեն՝ մարմնի, մտքի և հույզերի միջոցով, ինչպես նաև օգնում է ներդաշնակության հասնել ֆիզիկական և հոգեբանական վիճակում: Համակարգված վարժությունները բարենպաստ ազդեցություն են ունենում բոլոր օրգանների և համակարգերի վրա, թույլ են տալիս հասնել մտքի խաղաղության:
Յոգայի օգտակար լինելու հիմնական պատճառներից մեկը մարդու օրգանիզմի առանձնահատկությունների մեջ է։ -Գիտնականներն ապացուցել են, որ յուրաքանչյուր 2,5 ժամը մեկ շնչառությունը մի քթանցքից մյուսն է անցնում։ Հաթհա յոգայում, որը դարձել է յոգայի ամենահայտնի ուղղությունը, ուշադրություն է դարձվում այս հատկանիշին։ Դրա համար օգտագործվում են ասիմետրիկ շնչառությամբ շնչառական պրակտիկաներ՝ ձախ քթանցքը տոնայնություն և եռանդ հաղորդելու համար, իսկ հետո աջը, ընդհակառակը, հանգստանալու համար։
