Ցանկացած սպորտաձև մարդկանցից մեծ էներգիա է խլում: Ծանր ֆիզիկական ծանրաբեռնվածության ժամանակ մկանային համակարգը ենթարկվում է «սթրեսի», որի հետևանքը մկանների ցավն է՝ կրեպատուրա։ Դրանից խուսափել հնարավոր է միայն գրագետ պարապմունքների պլանի և վերականգնման հատուկ ծրագրերի միջոցով։ Your space-ի բլոգում այսօր կբացահայտենք, թե ինչպես վերադականգնել մկաններն ու օրգանիզմը մարզումներից հետո։
Կանոնավոր վարժություններն այսօր ոչ միայն առողջությունը պահպանելու միջոց են, այլև նորաձևության միտում: Մարզումները կարող են շատ տարբեր լինել՝ կախված նախասիրություններից․ ինչ-որ մեկը ընտրում է մարզասրահ կամ լողավազան, մյուսը ինքնուրույն է մարզվում տանը: Մարզվելուց հետո առաջանում է հոգնածություն, դրա հետ մեկտեղ՝ ոչինչ չանելու ցանկություն։ Եթե ենթարկվեք տրամադրությանը, ապա օրգանիզմը չի կարողանա լիովին հանգստանալ և պատրաստվել նոր ակտիվության։ Պրոֆեսիոնալ մարզիկները մարզվում են առավելագույն չափով, սակայն մարզումից հետո պատշաճ վերականգնումն օգնում է նրանց եռանդուն մնալ:
Մարզումից հետո մկանների վերականգնման մեթոդներ
Կրեպատուրան առաջանում է մկանների միկրովնասվածքների, դրանցում կաթնաթթվի և մետաբոլիտների կուտակման պատճառով։ Եթե մկանային մանրաթելերը չափազանց ծանրաբեռնված են, միկրովնասվածքները վերածվում են լուրջ վնասվածքների։ Որպեսզի դա տեղի չունենա, ձեզ անհրաժեշտ է անհատական մարզումների ծրագիր, որը հաշվի կառնի ձեր ֆիզիկական հնարավորությունները: Պետք է պլանավորել սպորտային գործունեությունը, հանգիստը և վերականգնումը։
Մարզումից հետո մկանների վերականգնման մեթոդները ներառում են.
• Մարզման տեմպերի աստիճանական նվազեցում. խորհուրդ է տրվում պարապմունքն ավարտել ձգվելով կամ վազքուղու վրա դանդաղ քայլելով։ Սպորտում մարզման հանգիստ ավարտը ուղղված է մկանների թուլացմանը, շնչառության հաճախականության, սրտի զարկերի նորմալացմանը։
• Սառը և տաք ցնցուղ. պրոցեդուրան արագացնում է արյան շրջանառությունը և նյութափոխանակության գործընթացները, ինչը կրեպատուրան դարձնում է նվազագույն: Ավելի լավ է սկսել տաք ջրով, ապա աստիճանաբար բարձրացնել և իջեցնել ջրի ջերմաստիճանը։
• Մերսում հատուկ մերսող սարքերի միջոցով․ Մկանային ցավերն առաջանում են ամենից հաճախ ոտքերի և մեջքի հատվածներում: Մերսումը կբարելավի այս հատվածներում հեմոդինամիկան և ավշային դրենաժը, կօգնի արագ թեթևացնել մկանային հոգնածությունը, կանխել այտուցները, հարստացնել հյուսվածքները թթվածնով և արագացնել կաթնաթթվի վերամշակումը: Ոչ պակաս օգտակար է միոֆասիալ գլանափաթեթների, մերսման գնդերի օգտագործումը:
Սնուցում վերականգնման ընթացքում
• Վերականգնող սնունդ․ ֆիզիկական ծանրաբեռնվածությունից հետո մարմինը վերականգնվում է փուլերով։ Առաջին փուլը գալիս է մարզվելուց անմիջապես հետո։ Այն տևում է 30-60 րոպե, որի ընթացքում պետք է վերականգնել կորցրած սննդանյութերը։ Օրգանիզմը պահանջում է ածխաջրեր. դուք կարող եք ուտել մյուսլի, ընդեղեն, քաղցրավենիք, խմել բուսական թեյ:
Մի քանի պարզ քայլերի միջոցով ձեր մկանները ավելի արագ կվերականգնվեն, իսկ հետագա մարզումներն ավելի արդյունավետ կլինեն։ Շարունակեք մնալ Your space բլոգի հետ, որը կդառնա ձեր սպորտային լավագույն խորհրդատուն։
